បន្ទាប់ពី ព្រះអង្គបានបំពេញព្រះរាជកិច្ចចប់រួចរាល់ក្នុងព្រះរាជពិធីយាងសំណេះសំណាលសាកសួរសុខទុក្ខនិងប្រោសព្រះរាជទាន ព្រះរាជអំណោយដល់ប្រជារាស្រ្តទីទ័លក្រ នៅ  ឃុំ ក្រសាំង ស្រុក ចុងកាល់ រួចមក ព្រះករុណាជាអម្ចាស់ជីវិតលើត្បូងជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គ​បានសព្វ​ព្រះរាជហឬទ័យ ប្រោសព្រះរាជទាន ដល់នាយទាហានជាន់ខ្ពស់នៃ កងយោធពលខេមរភូមិន្ទ ដឹកនាំដោយ ឯកឧត្តម នាយឧត្តមសេនីយ គន់ គីម អគ្គមេបញ្ញាការរង និងជានាយសេនាធិការចំរុះ នៃកងយោធាពលខេមរភូមិន្ទ ចូលក្រាបថ្វាយបង្គំគាល់ ថ្វាយព្រះពរនៅ  ឃុំ ក្រសាំង ស្រុក ចុងកាល់ ខេត្ត ឧត្តមាជ័យ។​    នៅក្នុងឱកាសដ៏វិសេសវិសាលនោះដែរ ព្រះករុណាជាអម្ចាស់ជីវិតលើត្បូងជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គក៏​បានសព្វ​ព្រះរាជហឬទ័យ ប្រោសព្រះរាជទានព្រះរាជទ្រព្យជាថវិកាចំនួន ២០លានរៀល ជាព្រះរាជឧបត្ថម្ភដ៏ឧត្តុងឧត្តម ជួយដោះស្រាយជីវភាពរបស់កូនចៅ កងខេមរភូមិន្ទផងដែរ។