នៅវេលារសៀលថ្ងៃ ១៥កើត ពេញបូរណ៌មី ខែ មាឃ ឆ្នាំ មមី ឆស័ក ព.ស  ២៥៥៨​ ត្រូវ​នឹងថ្ងៃទី ០៣ ខែ កុម្ភ: ឆ្នាំ ២០១៥ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ ព្រះអង្គសព្វព្រះរាជហឬទ័យ ស្តេចយាងបន្តបំពេញមហាព្រះរាជកុសល ក្នុងព្រះរាជពិធីបុណ្យមាឃបូជាប្រកបដោយព្រះរាជសទ្ធាដ៏ប្រសើរថ្លៃថ្លានៅព្រះវិហារព្រះអង្គ ចេក ព្រះអង្គ ចម ក្នុងខេត្តសៀមរាប។ អញ្ជើញដង្ហែ ព្រះករុណាជាអង្គម្ចាស់ជីវិតតម្កល់លើត្បូង ជា​ទីគោរពសក្ការ:ដ៏ខ្ពង់ខ្ពស់បំផុត​​ ស្តេចយាងបំពេញព្រះរាជសទ្ធាក្នុង ព្រះរាជពិធីបុណ្យដ៏មង្គលនេះមាន ​ សម្តេចចៅហ្វាវាំង គង់ សំអុល ឧបនាយករដ្ឋមន្រី និងជារដ្ឋមន្រ្តី ក្រសួងព្រះបរមរាជវាំង ឯកឧត្តម ឃឹម ប៊ុនសុង អភិបាលនៃគណ:អភិបាលខេត្តសៀមរាប  ដួនជី​តាជី និងនាហ្មឺនសព្វមុខមន្ត្រី ព្រះបរមរាជវាំងជាច្រើនរូប។