នៅវេលាព្រឹកថ្ងៃទី១៥កើត ខែអស្សុជ ឆ្នាំ មមី ឆស័ក ព.ស ២៥៥៨ ត្រូវនិងថ្ងៃទី ០៨ ខែ តុលា ឆ្នាំ២០១៤  ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គសព្វព្រះរាជហឬទ័យ ​ស្តេចយាងជាព្រះរាជាធិបតីដ៏ខ្ពង់ខ្ពស់បំផុតក្នុងព្រះរាជពិធីបុណ្យទ្វាទសមាស ចេញព្រះវស្សា នៅក្នុងព្រះទីនាំងទេវាវិនិច្ឆ័យ ។         យាងនិងអញ្ជើញចូល រួមដង្ហែ ព្រះរាជសកម្មភាព  ព្រះករុណាជាអម្ចាស់ជីវិតតម្កល់លើត្បូង ជាទីគោរពសក្ការ:ដ៏ខ្ពង់ខ្ពស់បំផុត ក្នុងព្រះរាជពិធីបុណ្យនាឱនោះមាន​សម្តេច ស៊ីសុវត្ថិ ពង្សនារីមុនីពង្ស​ ឧត្តមប្រឹក្សាផ្ទាល់ ព្រះមហាក្សត្រសម្តេចចៅហ្វាវាំង គង់ សំអុល ឧបនាយករដ្ឋមន្រ្តី និងជារដ្ឋមន្រ្តី ក្រសួងព្រះបរមរាជវាំង  ព្រមទាំងព្រះរាជវង្សា​​នុ​វង្ស និងនាម៉ឺនសព្វមុខមន្រ្តី ព្រះបរមរាជវាំងយ៉ាងច្រើនកុះករ។