នៅវេលាម៉ោង ១១:០០ ព្រឹកថ្ងៃទី១៧ ខែមករា ឆ្នាំ២០១៤ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ព្រះអង្គបានសព្វព្រះរាជហឬទ័យ ប្រោសព្រះរាជទាន ឯកឧត្តម Ismail Ahmed Khairat ឯកអគ្គរដ្ឋទូត វិសាមញ្ញ និងពេញសមត្ថភាពតែងតាំងថ្មី នៃសាធារណរដ្ឋ អារ៉ាប់ អេហ្ស៊ីប ប្រចាំព្រះរាជាណាចក្រកម្ពុជា អញ្ជើញចូលថ្វាយបង្គំគាល់ ថ្វាយសារតាំង នាព្រះទីនាំងទេវាវិនិច្ឆ័យ។