O f f i c i a l   W e b s i t e
ព្រះរាជដំណើរសេ្តចយាង សួរសុខទុក្ខប្រជារាស្រ្ត ស្រុកថ្ពង ខេត្តកំពង់ស្ពឺ
2013-12-28
នៅវេលាព្រឹកថ្ងៃទី ២៨ ខែធ្នូ ឆ្នាំ ២០១៣ ព្រះករុណា​ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទី​គោរព​សក្ការ:ដ៏ខ្ពង់ខ្ពស់បំផុត ព្រះអង្គសព្វព្រះ រាជហទ័យ សេ្តចយាងសំណេះសំណាលសាកសួរសុខទុក្ខ បងប្អូន កូនចៅ ប្រជារាស្រ្តទីទ័លក្រ រស់នៅភូមិ ចំនួន ៥ ក្នុង ឃុំ វាលពន់ ស្រុក ថ្ពង ខេត្តកំពង់ស្ពឺ។ អញ្ជើញអមព្រះរាជដំណើរព្រះករុណាជាអង្គម្ចាស់​ជីវិត​តម្កល់​លើត្បូង​ ជាទីគោរពសក្ការ:ដ៏ខ្ពង់ខ្ពស់បំផុត សេ្តចយាងបំពេញព្រះរាជកិច្ចមនុស្សធម៌ ដ៏ឧត្តុង្គឧត្តម នាឱកាសនោះមាន សម្តេចចៅហ្វាវាំង គង់ សំអុល ឧបនាយករដ្ឋមន្រី និងជារដ្ឋមន្រ្តី ក្រសួងព្រះបរមរាជ​វាំង ឯកឧត្តម គុយ សុផល ទេសរដ្ឋមន្រ្តី ទទួល​បន្ទុកកិច្ចការទូទៅអមក្រសួងព្រះបរមរាជវាំង ឯកឧត្តម ឈា ហន រដ្ឋមន្រ្តីអមក្រសួងព្រះបរមរាជវាំង ព្រមទាំង​អាជ្ញធរដែនដីគ្រប់ ជាន់ថ្នាក់ខេត្តកំពង់ស្ពឺ។ ជាបឋម ព្រះករុណាជាអង្គម្ចាស់ជីវិតតម្កាល់លើត្បូង​ជាទីគោរពសក្ការ:ដ៏ខ្ពង់ខ្ពស់បំផុតព្រះអង្គសព្វព្រះរាជ ហទ័យ ស្តេចយាងដល់លំនៅដ្ឋានរបស់ បងប្អូន កូន​ចៅ ដែលមានជីភាពក្សត់ ខ្សោយជាងគេ។ ព្រះរាជអំណោយប្រោសព្រះរាជទានដល់បងប្អូន ប្រជា​រាស្រ្តទីទ័លក្រ នីមួយៗមាន: អង្ករចំនួន៥០ គក្រ មីមួយកេស ឃឹតមួយកញ្ជាប់ ក្នុងនោះមាន: មុងមួយ ភួយមួយ សារុងមួយ ក្រមាមួយ អាវយឺត មានបោះពុម្ព​ផ្លាក ព្រះរាជអំណោយ ព្រះករុណាជាអង្គម្ចាស់ជីវិត​តម្កល់លើត្បូង ព្រះមហាក្សត្រ នៃព្រះរាជាណាចក្រ​កម្ពុជាចំនួន មួយ កៅស៊ូតង់មួយផ្ទាំង ត្រីខកំប៉ុងដប់​កំពុង និង ថវិកាចំនួន ១០ម៉ឺនរៀល។
Visitor: 13659151
This site requires Khmer Unicode. Please click here to download.
Ce site requiert la Khmer Unicode. Cliquez ici pour télécharger.