នៅវេលារសៀល ថ្ងៃទី៥ ខែធ្នូ ឆ្នាំ ២០១៣ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត បានសេ្តចយាងដល់ អាកាសយានដ្ឋាន អន្តរជាតិ សៀមរាប។ ក្នុងឱកាសដ៏វិសេសវិសាលនោះ ឯកឧត្តម ឃឹម ប៊ុនសុង អភិបាលនៃគណ:អភិបាលខេត្ត សៀមរាប និងសហការី មន្ត្រីរាជការតាមស្ថាប័ននិងមន្ទីរនានា ក្នុងខេត្ត សៀមរាប សិស្សានុសិស្ស ព្រមទំាងកងកំលាំងប្រដាប់អាវុធគ្រប់ប្រភេទ ក្នុងខេត្តសៀមរាប បានថ្វាយព្រះរាជវន្ទនកិច្ចស្វាគមន៍ ដោយភាពខ្ពង់ខ្ពស់កក់ក្តៅយ៉ាងក្រៃលែង។