ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វព្រះ រាជឬហទ័យប្រោសព្រះរាជទាន  ឧកញ្ញ៉ា សុខ គង់ ប្រធាន ក្រុមហ៊ុន សូគីម៉ិច អ៊ិន វេសមេនគ្រុម និងលោកជំទាវ គឹម ឡេង ព្រមទាំងគណ:ប្រតិភូ អញ្ញើញចូលថ្វាយ​បង្គំគាល់ ថ្វាយតង្វាយនៅព្រះមហាប្រាសាទខេមរិន្ទ វេលា​ម៉ោង​ ១១និង០០ នាទី ថ្ងៃទី១៧​  ខែវិច្ឆិកា ឆ្នាំ​​ ២០១៤។ ឧកញ្ញ៉ា សុខ គង់ បាននាំយកតង្វាយជាអង្ករ ចំនួន ២០០តោន ថ្វាយព្រះករុណា​ជាអង្គម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ ប្រជារាស្រ្តក្រីក្រជួបការ​លំបាក​ក្នុងជីវភាព តាមព្រះអង្គសព្វព្រះរាជ​ឬទ័យ​ដ៏ខ្ពង់ខ្ពស់​បំផុត។