នៅវេលារសៀល ថ្ងៃទី១៧ ខែមេសា ឆ្នាំ២០២៥ ព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន ឯកឧត្តម XI JINPING ប្រធានាធិបតី នៃសាធារណរដ្ឋប្រជាមានិតចិន ព្រមទាំងគណៈប្រតិភូ ចូលក្រាបថ្វាយបង្គំគាល់នៅព្រះទីនាំងទេវាវិនិច្ឆ័យ។  នៅក្នុងឱកាសដ៏ប្រពៃថ្លៃថ្លានោះ ព្រះករុណាព្រះមហាក្សត្រ បានសព្វព្រះរាជហឬទ័យប្រោសព្រះរាជទានគ្រឿងឥស្សរិយយស “មហាកណ្ឋាភណ្ឌឯករាជ្យជាតិ ព្រះរាជាណាចក្រកម្ពុជា” ជូនឯកឧត្តមប្រធានាធិបតីផងដែរ។