នៅវេលាព្រលប់ ថ្ងៃ ពុធ ១៤រោច​ ខែភទ្របទ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងែទី ១៦ ខែ កញ្ញា ឆ្នាំ ២០២០ ព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះ​​​វររាជមាតាជាតិខ្មែរ ក្នុងសេរី​ភាព​សេចក្តីថ្លៃថ្លូរ និង សុភមង្គល ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហប្ញទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីថ្វាយតង្វាយព្រះបិតរ (ចាក់ទឹកដូង) ដែលប្រព្រឹត្ត​ទៅនៅ ព្រះទីនាំងទេវាវិនិច្ឆ័យ។