នៅវេលាម៉ោង ១៦:០០នាទី ថ្ងៃ សុក្រ ៩រោច ខែចេត្រ  ត្រូវនឹងថ្ងៃទី ១៤ ខែ មេសា ឆ្នាំ ២០២៣ ជាថ្ងៃចូលឆ្នាំថ្មី ឆ្នាំថោះ បញ្ចស័ក ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីទទួលទេវតាឆ្នាំថ្មីព្រះនាម កិមិរាទេវី នៅព្រះទីនាំងទេវាវិនិច្ឆ័យ ។