នៅវេលាព្រឹកថ្ងៃទី​ ៩ ខែ ​កក្កដា ឆ្នាំ ២០១៨ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់​ខ្ពស់​បំផុត​ សព្វព្រះរាជហឬទ័យយាងជាព្រះរាជាធិបតីដ៏ខ្ពង់ខ្ពស់បំផុត​​ ​ក្នុង​ព្រះរាជពិធីបុណ្យរុក្ខ​ទិវា​​ ៩ កក្កដា ដែលបានរៀបចំឡើងយ៉ាងមហោឡាឬកដោយក្រសួងកសិកម្ម រុក្ខារប្រមាញ់ និង នេសាទ រួមសហការជាមួយក្រសួងព្រះបរមរាជវាំង និងអជ្ញាធរមូលដ្ឋាន ស្ថិតនៅ​ភូមិ ព្រែកអំពិល ឃុំ កោះតូច ស្រុកទឹកឈូ ខេត្តកំពត ។ ក្នុងឱកាសនោះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ​ នៃព្រះរាជាណាចក្រកម្ពុជាជាទីគោរពសក្ការ:ដ៏ខ្ពង់​ខ្ពស់​បំផុត   សព្វព្រះរាជហឬ​​ទ័យយាងដាំកូនឈើជានិមិត្តរូបដ៏ខ្ពង់ខ្ពស់បំផុត ​។