ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជឬហទ័យប្រោសព្រះរាជទានលោកស្រី Bridget Lau ប្រធានសមាគម Community College ព្រមទាំងគណៈប្រតិភូ ថ្វាយតង្វាយនៅព្រះមហាប្រាសាទខេមរិន្ទ វេលាព្រឹក ថ្ងៃទី ១៨​ ខែកក្កដា ឆ្នាំ​​ ២០១៧។ លោកស្រី Bridget Lauនិង គណៈប្រតិភូបាននាំយកតង្វាយជាថវិការចំនួន ១០.០០០ ដុល្លារអាមេរិក​អង្ករ ចំនួន ៦០តោន  សារុង ៥.០០០ និង ក្រមា ៥.០០០ ថ្វាយព្រះករុណា​ជាអម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត  ដើម្បីព្រះអង្គ​ប្រោស​ព្រះរាជទាន​ដល់ ប្រជារាស្រ្តក្រីក្រជួបការ​លំបាក​ក្នុងជីវភាព។