ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ សព្វព្រះរាជហឬទ័យប្រោសព្រះរាជទាន លោកស្រី គង់ វិរសិង្ហ ប្រធានក្រុមប្រឹក្សាភិបាលនៃធនាគារ អឹម.ជី.អិន អេមផឹរើរ ប៊ែង ម.ក ចូលក្រាបថ្វាយបង្គំគាល់ នៅមហាប្រាសាទខេមរិន្ទ នៅវេលាព្រឹក ថ្ងៃទី ១៦ ខែ តុលា ឆ្នាំ ២០១៩ ។​ លោកស្រី បាននាំយកតង្វាយជាថវិការចំនួន មួយរយលានរៀល (១០០ ០០០ ០០០រៀល) និងអង្ករ ៥០តោន ថ្វាយព្រះករុណា​ជាអម្ចាស់ជីវិតតម្កល់លើត្បូងជាទីគោរពសក្ការ:ដ៏ខ្ពង់ខ្ពស់បំផុត ដើម្បីព្រះអង្គ​ប្រោស​ព្រះរាជទាន​ដល់ប្រជារាស្រ្តក្រីក្រជួបការ​លំបាក​ក្នុងជីវភាព ។