នៅវេលាព្រឹកថ្ងៃទី ២៦ ខែ ធ្នូ ឆ្នាំ ២០១៨ នៅមហាប្រាសាទខេមរិន្ទ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត សព្វព្រះរាជហឬទ័យប្រោសព្រះរាជទាន ឧត្តមសេនីយ៍ឯក ព្រហ្ម មរណៈ មេបញ្ជាការរងកងទ័ពជើងគោក ទទួលបន្ទុកទិសពាយ័ព្យ ដឹកនាំកូនប្រុសនាម ព្រហ្ម ពុទ្ធីភក្តី និង កូនស្រីនាម ខេង មួយគាង ព្រមទាំងក្រុមគ្រួសារ ចូលក្រាបថ្វាយបង្គំគាល់ ដើម្បីទទួលការប្រោសព្រះរាជទានព្រះពរជ័យសិរីមង្គល ពីព្រះករុណាព្រះមហាក្សត្រ ដែលទើបរៀបអាពាហ៍ពិពាហ៍នាពេលកន្លងមក ​។